মোৰ ম'বাইল ইন্টাৰনেট পেকটোৰ ম্যাদ উকলিবৰ হ'লত সন্ধিয়া দোকান এখন বিচাৰি গ'লো ৰিচাৰ্জ কৰিবলৈ৷ কিছুদূৰ বাটকুৰি বাই গ'লো, সন্ধিয়া অলপ খোজ কঢ়াও হ'ল৷ দোকান এখন পাই ভিতৰ সোমাই গ'লো৷ ১৯৯/- টকাৰ ইন্টাৰনেট পেক এটা লাগে বুলি ক'লো৷ দোকানীয়ে নম্বৰটো ল'লে আৰু ৰিচাৰ্জ কৰিবলৈ বুটাম টিপিলে৷ কেইচেকেন্ডমান পাছত মেচেজ এটা আহিল মোৰ ম'বাইললৈ৷ পঢ়িবৰ প্ৰয়োজন বোধ নকৰিলো৷ ইন্টাৰনেট পেকৰ ৰিচাৰ্জ হৈ গ'ল বুলি ধৰি ল'লো৷ তাৰ পাছত দোকানীজনক ক'লো ১৪৯/- টকাৰ এচ টি ডি পেক এটাও ভৰাই দিবলৈ৷ আকৌ এটা মেচেজ আহিল৷ বুজিলো এইটো ৰিচাৰ্জো সফল হ'ল৷ দোকানীক ৩৫০/- টকা দি ঘৰলৈ বুলি খোজ ল'লো৷ ইতিমধ্যে মোৰ ২৩০/- টকা মান বেলেঞ্চ আছিলেই৷গতিকে আপোনমনে ইন্টাৰনেট কৰি গ'লো, ফোন কৰি থাকিলো সঘনাই, বিশেষকৈ অসমলৈ, ঘৰলৈ৷
তিনিদিন পাৰ হ'ল৷ আবেলি পৰত ঘৰলৈ আহি অলপ জিৰাবলৈ ল'লো আৰু মোবাইলটো হাতত ল'লো, ফেচবুক কৰো বুলি৷ ইন্টাৰনেট কোনোপধ্যেই নোখোলে৷ ফোন এটা কৰিব খুজিলো, সিফালৰ পৰা শুৱলা মাতেৰে মহিলা এগৰাকীয়ে মোক সোৱঁৰাই দিলে মোৰ বেলেঞ্চ নাই বাবে ৰিচাৰ্জ কৰি ল'ব লাগে বুলি৷ মই হতবাক৷ ই কেনেকৈ হ'ব পাৰে? ইমান টকাৰ বেলেঞ্চ শেষ কেনেদৰে হ'ব পাৰে মাত্ৰ তিনিদিনত?
কিবা এটা মনত খেলোৱাত তিনিদিন আগতে দোকানত ৰিচাৰ্জ কৰা সময়ত পোৱা মেচেজ দুটা বিচাৰি উলিয়াই পঢ়ি চালো৷ উৰহী গছৰ ওৰ পাবলৈ অসুবিধা নহ'ল৷ প্ৰথম মেচেজটোত আচলতে মোৰ ১৯৯/- টকাৰ ইন্টাৰনেট পেকৰ ৰিচাৰ্জটো সফল নোহাৱা বুলিহে মোক জনাইছিল৷ মই নপঢ়িলো৷ দোকানীক টকাও দিলো আৰু ধুম-ধাম ইন্টাৰনেটো কৰি থাকিলো৷ গতিকে ইন্টাৰনেটৰ নামত মোৰ মূল বেলেন্স কমি কমি তিনিদিনতে ২৩০/- টকা শেষ৷
হাঁহিম নে কান্দিম এতিয়া?
নিজৰ গালতে দুটামান চৰ শোধাই কাপোৰ সলাই বাহিৰ ওলাই গ'লো, আকৌ ৰিচাৰ্জ কৰিবলৈ৷
সন্ধিয়া শ্ৰীমতীক ফোন কৰিব লাগিব৷ ফোনত এই কথাটো হ'লে তেওঁক নকওঁ৷
তিনিদিন পাৰ হ'ল৷ আবেলি পৰত ঘৰলৈ আহি অলপ জিৰাবলৈ ল'লো আৰু মোবাইলটো হাতত ল'লো, ফেচবুক কৰো বুলি৷ ইন্টাৰনেট কোনোপধ্যেই নোখোলে৷ ফোন এটা কৰিব খুজিলো, সিফালৰ পৰা শুৱলা মাতেৰে মহিলা এগৰাকীয়ে মোক সোৱঁৰাই দিলে মোৰ বেলেঞ্চ নাই বাবে ৰিচাৰ্জ কৰি ল'ব লাগে বুলি৷ মই হতবাক৷ ই কেনেকৈ হ'ব পাৰে? ইমান টকাৰ বেলেঞ্চ শেষ কেনেদৰে হ'ব পাৰে মাত্ৰ তিনিদিনত?
কিবা এটা মনত খেলোৱাত তিনিদিন আগতে দোকানত ৰিচাৰ্জ কৰা সময়ত পোৱা মেচেজ দুটা বিচাৰি উলিয়াই পঢ়ি চালো৷ উৰহী গছৰ ওৰ পাবলৈ অসুবিধা নহ'ল৷ প্ৰথম মেচেজটোত আচলতে মোৰ ১৯৯/- টকাৰ ইন্টাৰনেট পেকৰ ৰিচাৰ্জটো সফল নোহাৱা বুলিহে মোক জনাইছিল৷ মই নপঢ়িলো৷ দোকানীক টকাও দিলো আৰু ধুম-ধাম ইন্টাৰনেটো কৰি থাকিলো৷ গতিকে ইন্টাৰনেটৰ নামত মোৰ মূল বেলেন্স কমি কমি তিনিদিনতে ২৩০/- টকা শেষ৷
হাঁহিম নে কান্দিম এতিয়া?
নিজৰ গালতে দুটামান চৰ শোধাই কাপোৰ সলাই বাহিৰ ওলাই গ'লো, আকৌ ৰিচাৰ্জ কৰিবলৈ৷
সন্ধিয়া শ্ৰীমতীক ফোন কৰিব লাগিব৷ ফোনত এই কথাটো হ'লে তেওঁক নকওঁ৷
No comments:
Post a Comment