At the outset.. বাট চ'ৰাতে

Welcome to my world..
I am not a writer nor a poet. Just trying to narrate some of my experiences .. I am usually comfortable in writing in Assamese, my mother tongue. Have written few blogs in English and have tried my hands in composing few poems in Hindi too.. My Hindi speaking friends may excuse me for my audacity to do so..

মোৰ জগতলৈ আদৰিছো...
কোনো কবি সাহিত্যিক মই নহয়, কিছুমান অভিজ্ঞতাৰ বৰ্ণনা মাথোন কৰিছো ইয়াত.. মাতৃভাষা অসমীয়াতে লিখি ভাল পাওঁ যদিও ইংৰাজীতো লিখিছো.. হিন্দী ভাষাতো দুটামান কবিতা লিখিবলৈ চেষ্টা কৰি চাইছো....

Translate

Friday 22 August 2014

কাৰণ আমি ভাৰতীয়..

কাৰণ আমি ভাৰতীয়...

আমি ভাৰতীয় লোকসকলৰ কিছুমান সাধাৰণ গুণ/লক্ষণ আছে৷ কম-বেছি পৰিমাণে প্ৰায় সকলোৰে গাত ৷ তাৰে কিছুমান এনেধৰণৰ:

১) আপুনি হয়তো এতিয়ালৈকে এতোলাও সোণ কিনা নাই আৰু কিনাৰ মনো নাই৷ কিন্তু সোণৰ দাম বাঢ়িলে আপোনাৰ বেয়া লাগে, কমিলে ভাল লাগে৷
২) টুথপেষ্টটো শেষ নহয় হে নহয়৷ হেঁচি হেঁচি, পকাই-পকাই একেবাৰে ফুল এটাৰ দৰে কৰি শেষ বিন্দু পেষ্ট বাহিৰ নকৰালৈকে তাৰ আয়ুস৷
৩) আপোনাৰ দ্ৰইংৰুমৰ শ্বোকেচত খুব ধুনীয়া ব'ন চাইনাৰ টি-চেট আদি আছে৷ অতি বিশেষ আলহী আহিলেহে কেতিয়াবা আপুনি সেইবোৰ উলিয়ায়৷
৪) কাপোৰ এযোৰ পুৰণি হ'লে ৰাতি পিন্ধা পোছাক কৰি লয়৷ বেছি পুৰণি হ'লে ফাকুৱা খেলিবলৈ থয়৷ তাৰপাছত ঘৰ মোচা কাপোৰ কৰি লয়৷
৫) ঘৰৰ জাবৰ আদিৰ পেকেট ৰাতি মনেমনে আনৰ ঘৰৰ আগত পেলাই থৈ আহোঁ৷
৬) টুথব্ৰাছডালযে একেবাৰে জবাফুলটোৰ নিচিনা নোহোৱালৈকে ব্যৱহাৰ কৰিয়েই থাকোঁ৷
৭) টিভিৰ ৰিমোটটো জোৰেৰে হেঁচিম বাৰে বাৰে, হাতেৰে থপৰিয়াম, থেকেচি দিম কিন্তু বেটাৰীযে সলনি কৰিব লাগে কেতিয়াও চিন্তা নকৰোঁ৷
৮)যদি সন্ধিয়া বিয়াৰ নিমন্ত্ৰণ আছে তেন্তে দিনটো একো নাখাওঁ আৰু বিয়াঘৰত টেঁটুলৈকে ভৰাই খাম যেন এমাহমান একো খাবলৈহে নাই পোৱা৷
৯) বেলেগৰ পানীৰ টেপ খোলা হৈ থকা দেখিলেও একো নকৰোঁ, বেলেগৰ ঘৰৰ লাইট-ফেন এনেই চলি থকা দেখিলেও একো নকৰোঁ৷
১০) অতি ভিৰ হোৱা বাছত বহি থাকিলে কোনো বয়সীয়া মানুহ/মাইকী মানুহ/চিনাকি মানুহ আদি দেখিলে খিৰিকিৰে বাহিৰলৈ চাই থাকোঁ, নহলে টোপনি যোৱাৰ ভাও ধৰোঁ৷
১১) দেশখন ৰসাতলে গ'ল বুলি ডাঙৰ-ডাঙৰ কথা কওঁ কিন্তু ক'ত কেনেকৈ কৰ ফাঁকি দিব পাৰি তাৰেই চিন্তাত থাকোঁ৷

( কিছুমান ইন্টাৰনেটৰ পোষ্ট এটাৰ পৰা আৰু কিছুমান নিজৰ মনলৈ অহা চিন্তা)

No comments:

Post a Comment