At the outset.. বাট চ'ৰাতে

Welcome to my world..
I am not a writer nor a poet. Just trying to narrate some of my experiences .. I am usually comfortable in writing in Assamese, my mother tongue. Have written few blogs in English and have tried my hands in composing few poems in Hindi too.. My Hindi speaking friends may excuse me for my audacity to do so..

মোৰ জগতলৈ আদৰিছো...
কোনো কবি সাহিত্যিক মই নহয়, কিছুমান অভিজ্ঞতাৰ বৰ্ণনা মাথোন কৰিছো ইয়াত.. মাতৃভাষা অসমীয়াতে লিখি ভাল পাওঁ যদিও ইংৰাজীতো লিখিছো.. হিন্দী ভাষাতো দুটামান কবিতা লিখিবলৈ চেষ্টা কৰি চাইছো....

Translate

Wednesday, 30 September 2015

কামত আহিব..

কামত আহিব..


এজন খেতিয়ক ইমান বুঢ়া হ’ল যে তেওঁ একো কাম কৰিব নোৱাৰা হ’ল৷ গতিকে দিনৰ দিনটো ঘৰৰ বাৰান্দাত বহি থাকে৷ তেওঁৰ পুতেকে দিনটো কষ্ট কৰি কাম কৰে আৰু মাজে মাজে এনেই বহি থকা বাপেকলৈ চাই ভাবে,

“এই বুঢ়াৰ একো কাম নাই ৷ কোনো কামত নহা হ’ল৷ সোনকালে মৰি গ’লেই ভাল আছিল৷”

অতিপাত বিৰক্ত হৈ এদিন পুতেকে এটা কাঠৰ কফিন সাজি আনিলে আৰু বাপেকক তাত সোমাবলৈ ক’লে৷ বুঢ়া বাপেকে একো আপত্তি নকৰি ভিতৰত সোমাল আৰু পুতেকে ঢাকনিখন জপাই দিলে৷ তাৰপাছত কফিনটো চোচোৰাই টানি লৈ গৈ থাকিল৷কিছুদূৰ টানি নি নি পাহাৰৰ ওখ ঠাই পালেগৈ আৰু তাৰ পৰা সেইটো বগৰাই দিব বুলি ভাবিলে৷

তেনেতে কফিনৰ ভিতৰৰ পৰা বুঢ়া বাপেকে টুকুৰিয়ালে৷ পুতেকে খুলি দি চালে৷ বাপেকে মাত লগালে,

‘ তুমি এতিয়া মোক এই কফিনটোৰে সৈতে পাহাৰৰ তললৈ পেলাই দিবা বুলি মই বুজিছো কিন্তু তাৰ আগতে মই এটা পৰামৰ্শ দিব খুজিছো৷”

“কি পৰামৰ্শ?” অলপ বিৰক্তিৰ ভাবেৰেই পুতেকে সুধিলে৷

“মোক বাৰু তললৈ পেলাই দিব খুজিছা দিয়া, কিন্তু এই সুন্দৰ, মজবুত কাঠৰ কফিনটো ভালদৰে ৰাখি থোৱা৷ তোমাৰ ল’ৰাহঁতে পাছত ব্যৱহাৰ কৰিব পাৰিব৷”

(মদন গান্ধীৰ হিমালয়ান ডায়েৰীৰ পৰা অনুবাদ)